“Curva Nord” (një ndër tifo-grupet më të organizuara zikaltër) e tha sërish fjalën e vet në një moment shumë delikat për Interin. Katër ditë më parë, në një komunikatë për shtyp shpjegohej se si përgjegjësitë e krizës nuk duhej t’i ngarkoheshin vetëm trajnerit, por edhe lojtarëve, ndërsa këtë herë është një sulm i vërtetë i organizuar ndaj presidencës Zhang.
Në fakt, një ditë pas takimit të paralajmëruar për mbrëmjen e së enjtes, në rrjetet sociale të “Curva Nord” u shfaq një imazh i thjeshtë me dy fjalë në sfondin zikaltër: “Zhang largohu!”
Hendeku mes ultrasve dhe numrit një të klubit është i dukshëm, pas disa pankartave që u shfaqën në momente të ndryshme të drejtimit të tij, që nga “Skriniar nuk preket, pakte të qarta dhe miqësi e gjatë” te “koha ka mbaruar”, “premtimet duhet të mbahen”, “merr përgjegjësi ose largohu nga qyteti” etj.
Në mes të ditëve themelore për zgjidhjen e problemeve, Interi merr një goditje të dhimbshme nga tifozët e vet. E njëjta frazë “Zhang ik” u shfaq edhe në një mur në parkingun e “San Siro”, e panënshkruar.
