Mbyllet dhe dita e dytë e Ligës së Kombeve. Kryefjala e mediave sportive për ditën e sotshme do të jetë fitorja e Italisë ndaj Anglisë që automatikisht ranë në Ligën B.
Nga ana tjetër, Roger Federer tërhiqet nga tenisi në moshën 41-vjeçare, duke mbyllur një karrierë fantastike me 20 Grand Slams për tu konsideruar si njëri prej tenistave më të mirë të të gjitha kohrave.
Ndjekim disa nga titujt kryesorë të mediave sportive:
La Gazzetta dello Sport hapet me Ligën e Kombeve: “Italia që ju pëlqen”. Magjia e Raspadorit i jep fitoren Italisë dhe siguron qëndrimin në Ligën A.
Prestigjozja Marca hapet me një titull kushtuar njërit prej tenistave më të mire në histori: “Faleminderit Mjeshtër”. Federer tërhiqet duke lënë një trashëgimi që e bën atë një legjendë tenisi. Ai thotë lamtumirë pas 25 vitesh në elitë dhe 20 Grand Slam të fituar.
Edhe gazeta tjetër italiane Corriere dello Sport fokusohet tek fitorja e Italisë: “Brohoritje Giacomo”. Raspadori dërgon Anglinë në Ligën B.
“Ti je një legjendë” është titulli i torinezes Tuttosport. Një lamtumirë emocionuese dhe spektakolare për tenisin e Federerit në Kupën e Laverit.
Në Britaninë e Madhe, Daily Express nxjerr në pah humbjen e Anglisë ndaj Italisë në Ligën e Kombeve: “Poshtë dhe Jashtë”. Një tjetër dështim ia shton dhimbjen e kokës Luanëve para Kupës së Botës.
“Miq përgjithmonë” ka shkruar gazeta madrilene AS. Nadal e shoqëron Federerin në ndeshjen e fundit të karrierës së tij. Ata humbën në përballjen ndaj Sock dhe Tiafoe në një ndeshje historike.
Mundo Deportivo fokusohet tek legjenda më e madhe e klubit katalanas: “Projekti Messi”. Barça studion mënyrën për të rikuperuar marrëdhënien e saj me Messin.
“Alarm!” është titulli i katalanases Sport. Virusi FIFA sulmon Barçën me force, katër të lënduar. Araujo, Koundé, Memphis dhe De Jong.
