Është koha që Interi të tregojë dhëmbët dhe Simone Inzaghi e tregon rrugën tashmë gjatë konferencës për shtyp. Është momenti i krenarisë dhe i shpërblimit: “Aty ku kam stërvitur kanë mbërritur gjithmonë trofe, ishin fjalët e trajnerit. Ka ndodhur me Lazion dhe gjithashtu këtu në Milano”. Më pas, për formacionin ndaj Romës dhe mesfushën, ai tha: “Asllani do të luajë nga minuta e parë”.
Hapësira për talentin shqiptar, titullar për herë të parë që nga ardhja te zikaltërit:
“Asllani po bën mirë, nesër me siguri do ta nisë ndeshjen. Në mesfushë kam vështirësi sepse janë vetëm katër lojtarë në dispozicion: tre do të startojnë dhe një në stol. Gagliardini nuk ka mundur të stërvitet në dy ditët e fundit, por të shohim nëse do të mund të na bashkohet në pankinë”.
Mungon, megjithatë, Romelu Lukaku: “Ka pasur një ngadalësim që e merr një lojtar të rëndësishëm. Stafi po punon në mënyrën më të mirë për ta rikuperuar, ka kaluar një muaj që ai u ndal, por na duhet ende kohë”.
Së fundi, për Robin Gosens: “Ai e meritoi vendin në kombëtaren gjermane me paraqitjet e tij në Ligën e Kampionëve. Në grup do të më duhet të bëj një zgjedhje: kam atë, Dimarcon dhe Darmian”.
Inzaghi dëshiron të theksojë, grupi punon shumë për të dalë nga momenti kompleks:
“Ne të gjithë shkojmë në të njëjtin drejtim. Tani për tani po paguajmë për episodet në ndeshjet e kaluara. Vitin e kaluar, Interi luajti mirë, ne nuk u ndëshkuam në një episod të vetëm. Duhet të japim më shumë, duke filluar nga unë e deri te lojtarët e rëndësishëm në skuadër që duhet të gjejnë formën e duhur.”
Uniteti, konfirmon trajneri, përfshin edhe presidentin e klubit: “Me Lotiton kam pasur një marrëdhënie shumë të mirë në të kaluarën dhe sot i kam me Zhang, i cili është i pranishëm dhe është gjithmonë pranë meje dhe stafit”.
