Si të mos mjaftonte lufta, ukrainasit dhe rusët janë përballur herë pas here me fenomene të çuditshme.
Një fenomen i rrallë është filmuar mbrëmë në disa qytete ruse, Moskë, Bolgorod, Omsk dhe Murmansk. Disa drita të mistershme janë fotografuar e më pas janë publikuar në rrjetet sociale, ndërsa nuk dihet nëse bëhet fjalë për një fenomen natyror apo sistem armatimesh.
PeresveT? Zadira? O una discoteca a Belgorod ? pic.twitter.com/FxtVlSteFC
— Marc (@OSINTsolution) October 5, 2022
Shumë dyshojnë se mund të jetë një armë lazer ruse, konkretisht sistemi “Peresvet”, i cili u prezantua në vitin 2018, dhe thuhet se mund të çaktivizojë satelitët dhe sistemet e tjera elektronike, në një largësi prej 1500 km.
Në mars të këtij viti, Vladimir Putin prezantoi një sistem të ri armësh hipersonike dhe armë lazer “Peresvet”, si emri i murgut luftëtar ortodoks mesjetar, Alexandër Peresvet.
Edhe pse rusët kanë pohuar më parë se sistemi është tashmë në përdorim, deri më tani nuk ka asnjë provë të qartë se ai është funksional dhe në çfarë mase është efektiv.
Thuhet se ishte një prototip i quajtur “Zadira”, siç raportoi në atë kohë Yuri Borisov, zëvendëskryeministri përgjegjës për zhvillimin ushtarak.
