Ka nisur protesta e thirrur nga Partia Demokratike para Prokurorisë së Posaçme Kundër Korrupsionit dhe Krimit të Organizuar (SPAK).
Protesta u thirr një ditë më parë nga deputeti Belind Këlliçi. Qytetarët kanë rreshtuar para godinës pankartat e tyre, ku kërkojnë drejtësi nga SPAK-u, për Teatrin Kombëtar.
“Thirrje për protestë! Thuajse 3 vjet nga shembja kriminale e Teatrit Kombëtar dhe SPAK hesht. Heshtja është bashkëfajësi. Qytetarët kërkojnë drejtësi! Nesër në ora 10:00, përpara godinës së SPAK-ut,”- njoftoi dje PD-ja.
Pjesë e protestës janë gjithashtu edhe eksponentë të Partisë Demokratike, të cilët kanë qenë kundër shembjes së Teatrit, me argumentin se ky teatër mbarte me vete vlera të mëdha kulturore.
