Është mbyllur dita e parë e Champions League. Zhgënjejnë ekipet italiane, të cilat u mundën respektivisht: Milani në shtëpi nga Chelsea me rezultat 0-2 dhe Juventusi në Izrael nga Maccabi Haifa me rezultat 2-0.
Kryesfida e ditës së sotme do të jetë ndeshja midis Barçës dhe Inter. Kjo përballje do të vendosë shum për fazën e 1/8, pasi ndeshja e parë është fituar nga Inter dhe Barça do të japë gjithçka sot.
Ndjekim disa nga titujt kryesorë në ditën e sotme:
Mundo Deportivo hap ditën e sotme, me një titull kushtuar ndeshjes Barça-Inter ose e ashtëquajtur nga katalanasit si “Finale”. Barça është e detyruar të mposht Interin për të mos rënë sërish në Europa League. Camp Nou do të jetë ziejë në mbrëmjen e sotshme, Xavi është optimist dhe Lewandowski dëshiron të jetë vendimtar.
Në Itali, padyshim që mbrëmja e djeshme në Ligën e Kampionëve ishte shumë e hidhur për ngjyrat italiane. Para së gjithash për Juventusin, të mposhtur bujshëm në shtëpinë e Maccabi Haifa. “Turp për ne” është titulli i La Gazzetta dello Sport që merr në konsideratë deklaratat e Andrea Agnellit pas fundit të ndeshjes. Hidhërim i një lloji është ai i nokautit të Milanit nga Chelsea, për shkak të penalltisë së dyshimtë dhe kartonit të kuq ndaj Tomorit nga arbitri Siebert: “Çfarë vjedhje!
Corriere dello Sport bazohet në fjalitë e presidentit të Juventusit në fund të ndeshjes: “Më vjen turp”. Megjithatë nuk foli asgjë për largimin e Allegri-t.
Tuttosport lëshon kritika të ashpra ndaj Juventusit pas katastrofës së djeshme: “Turpi nuk mjafton”.
Në Britaninë e Madhe, Mirror Sport hapet me titullin: “I shkëlqyeshëm dhe i lodhur”, duke theksuar respektivisht fitoren e Chelsea ndaj Milan dhe barazimin pa gola të Manchester City ndaj Copenhagen.
Marca hapet me ‘telenovelën’ e re të Kylian Mbappé: “Kapërceje menjëherë”. Lojtari francez është ngopur me PSG -në dhe kërkon të largohet sa më shpejt nga klubi i kryesuar nga Al-Khelaifi. Pavarësisht këtij informacioni, Real Madridi nuk do të nënshkruajë me sulmuesin në merkato të ardhshme.
“Rüdiger tregon fytyrën e tij” ka shkruar gazeta madrilene AS. Një gol i guximshëm i gjermanit në zbritje, që i kushtoi një goditje në fytyrë, i jep barazimin Madridit, i cili tashmë është në turin e dytë të Champions League. Triumfi historik i skuadrës së femrave ndaj Shteteve të Bashkuara.
Katalanasja Sport hapet me titullin “Duhet vetëm të fitohet”. Sot Barça-Inter në orën 21:00. Xavi: “Është një finale dhe ne duhet të jemi të guximshëm”.
