Tetë vite nga “AUTOCHTHONOUS”, droni që ‘tërboi’ serbët mbi qiellin e Beogradit

113 563 lexime

124,178FansaPëlqeje

“Droni” i famshëm i ngritur mbi stadiumin e Beogradit, gjatë ndeshjes mes Serbisë dhe Shqipërisë në tetor të vitit 2014 ka mbushur sot (e mërkure) gjashtë vite. Sot, gjashtë vite më parë – Beogradi ishte i ‘mbuluar’ nga droni Autochthonous.

Më 14 tetor të vitit 2014, në orën 21: 27 është ndërprerë ndeshja Serbi – Shqipëri që luhej në kuadër të kualifikimeve për Kampionatin Evropian, Francë 2016.

Në minutën 42-të në qiell u ngrit flamuri me portretet e Ismail Qemalit dhe Isa Boletinit dhe me mbishkrimin  “AUTOCHTHONOUS”.

Ndërprerja ishte paralajmëruar po thuajse që para fillimit: Ishte ndaluar pjesëmarrja e tifozëve të Kombëtares shqiptare në Beograd, ndërsa tifozët serbë në stadium me fishkëllima e britma penguan intonimin normal të himnit kombëtar shqiptar.

Në këto kushte, të rënduara dhe të vështira për ekipin shqiptar, filloi ndeshja. Arbitri britanik, Martin Atkinson nuk e kishte të lehtë të ndante gjyqësinë, sidomos nga lojtarët, tifozët, por edhe zyrtarë serbë që gjendeshin aty, konsiderohej betejë lufte edhe pse ishim duke luajtur futboll.

E tensionuar, me epërsi të dukshme shqiptare, ndeshja vazhdoi kështu deri në minutën 42. Dhe në atë minutë, nga qielli i Beogradit, sipër tifozëve, më ngadalë e duke valëvitur nga një dron, në fushën e lojës, afrohej flamuri me hartën e viseve etnike shqiptare, me portretet e Ismail Qemalit e të Isa Boletinit dhe me mbishkrimin “AUTOCHTHONOUS”.

Të gjithë mbeten të habitur e të heshtur duke shikuar çudinë që zbriste nga lartësia. Pastaj një futbollist serb e mori në hapësirë, pa rënë në tokë, flamurin me simbole shqiptare e lojtarët e kombëtares vrapuan menjëherë pas tij duke ia rrëmbyer nga duart.

Pas kësaj, topi u “harrua” dhe filloi beteja fizike ndërmjet lojtarëve të dy ekipeve. Nga tribunat e shikuesve zbriten spektatorët serbë të cilët mësyn lojtarët shqiptarë.

Lexo edhe :  Rally Albania ndalet në zonën e Korçës, pilotë nga 23 vende testojnë terrenin sfidues

Një konfrontim fizik i pabarabartë të cilin lojtarët e kombëtares e braktisen duke kërkuar shpëtim në zhveshtoren e vet. Pjesëtarët e sigurimit, në vend se të mbronin lojtarët shqiptarë, u bënë bashkë me spektatorët e lojtarët serbë duke i goditur me grushte e karrige derisa ata sa u futen në kthinën e vet të stadiumit. Në kushte të tilla nuk kishte si të vazhdohej loja.

Lojtarët shqiptarë, pasi e morën veten, e dorëzuan flamurin e rënë fushë te zyrtarët e UEFA-s dhe rreth orës 3:00 mëngjesit u kthyen në Tiranë.

Pas ankesës së Shqipërisë në Gjykatën e Arbitrazhit Sportiv (CAS) në Lozanë, tre pikët e ndeshjes kaluan në anën e Shqipërisë. Në ndërkohë ishte “zbuluar” edhe autori i dronit, Ismail Morina, Ballisti.

Shqipëria arriti të realizonte ëndrrën e saj dhe të kualifikohej në Kampionatin Europian që u mbajt në Francë 2016.

Të fundit

Zjarr në një pallat në Durrës

Një zjarr ka përfshirë mbrëmjen e së mërkurës një pallat në lagjen 15 të Durrësit, e njohur si zona...

Lista Serbe, në “numërim mbrapsht” drejt zgjedhjeve lokale në veri

“Një litar shpëtimi”... apo “kemi humbur besimin te politikanët”. Të tilla janë pritjet e disa qytetarëve serbë në veri të Kosovës nga zgjedhjet e...

Vuçiç nga Odesa: E falënderova Zelenskin që nuk ftoi përfaqësues të Kosovës në Samit

Nga Odesa në samitin Ukrainë - Evropë Juglindore, Presidenti serb Aleksandër Vuçiç nuk ka lënë pa përmendur Kosovën, duke u shprehur i lumtur që...

“Nënat britanike duhet të pranojnë se bijtë e tyre do të vdesin për Finlandën”

Ish-ministri i Jashtëm i Ukrainës ka bërë një paralajmërim tronditës duke thënë se nënat britanike duhet të pranojnë që bijtë e tyre duhet të...

Del fotoja e 21-vjeçarit që vrau 10 persona në Austri, i shkroi nënës

Është publikuar fotoja e 21-vjeçarit Arthur A., autor i masakrës që tronditi Austrinë një ditë më parë, kur ai vrau dhjetë persona – nëntë...

Lajme të tjera

Web TV