Media britanike “The Mirror” ka parashikuar se së shpejti kryeministrja Liz Truss mund të largohet këtë javë.
“Liz Truss po lufton për jetën e saj politike, pasi konservatorët komplotojnë hapur për ta larguar atë pas vetëm gjashtë javësh në numrin 10”, shkruan e përditshmja britanike.
Më tej në shkrimin e gazetës thuhet se “Kryeministrja e ka shkarkuar tashmë Kancelarin e saj dhe ka braktisur pjesën më të madhe të agjendës së saj politike në një përpjekje të dëshpëruar për të qetësuar trazirat ekonomike të shkaktuara nga mini-buxheti i saj katastrofik”.
Po kush janë kandidatët që mund të zëvendësojnë Liz Truss?
Ben Wallace, Sekretari i Mbrojtjes është i popullarizuar me deputetët dhe bazën e partisë, duke kryesuar mes kandidatëve për të marrë drejtimin e qeverisë.
Rishi Sunak, ish-kancelari mbeti pas Truss në balotazhin e garës për lidershipin konservator, por ai mund ta gjejë veten në një pozicion të favorshëm pas dështimeve të pësuara nga ish-rivalja e tij.
Boris Johnson, ish-kryeministri i rrënuar nga skandali u rrëzua nga deputetët e tij në fillim të këtij viti, por ai mbetet një re e errët e varur mbi kryesinë e Liz Truss.
James Cleverly, besniku i Boris Johnson dhe Liz Truss, 53 vjeç, është ngritur në parti që kur u zgjodh deputet në 2015.
Penny Mordaunt, udhëheqësja e Commons kaloi në treshen e fundit të garës për udhëheqje konservatore, ku fitoi mbështetjen e 105 deputetëve.
