Provokimet nga Greqia ndaj Turqisë, dhe sigurisht dhe anasjelltas, nuk mungojnë asnjëherë…
Megjithatë, turqit duket se duan të “hedhin gurin, por të fshehin dorën”.
Së fundmi, Ministri i Jashtëm i Turqisë, Mevlüt në një fjalim në Universitetin Mustafa Kemal, tha se “për të kuptuar frikën irracionale të Greqisë ndaj turqve, duhet njohur pak psikologji klinike”.
Deklarata e fortë vjen në një kohë kur Recep Tayyip Erdogan dhe disa ministra dhe bashkëpunëtorë të tjerë kanë kërcënuar se do të pushtojnë ishujt grekë, duke vënë në dyshim publikisht sovranitetin e tyre.
Qëndrime të ngjashme ka patur edhe ministri i Brendshëm i Turqisë Suleiman Soylu, i cili këmbëngul në historinë e tij për Greqinë dhe emigrantët.
“Ishte një politikë për të na destabilizuar, për të na bërë ksenofobë si ata, për të siguruar që ne të pengonim çdo migrant që mund të vinte tek ata duke i vrarë, torturuar dhe frikësuar në të njëjtën mënyrë si Greqia, dhe për të krijuar një mur çeliku për ata, që të mos shkojnë në Evropë. Ata të dy e zbatuan vetë dhe u përpoqën të na bënin ta bëjmë atë nëpërmjet aleatëve të tyre strategjikë në Turqi. Qëllimi ishte një: të gjithë të vdisnin, të gjithë të kishin frikë, asnjë emigrant të mos vinte tek ne. Ne e dimë këtë qasje çnjerëzore, dashakeqe, këtë qasje që sjell probleme në fushën tonë. Dhe ne nuk jemi dhe nuk do të jemi peng i askujt, një magazinë e emigrantëve të paligjshëm”, tha ai.
