Liverpooli ka pësuar humbje shokuese nga Nottingham me rezultat 1-0 në kuadër të javës së 12-të të Premier League.
Ndeshja nisi me Liverpooli që kishin një rast të mirë që në start, kur rrezikuan me Fabio Carvalhon, por gjuajtja e tij u prit nga portieri Dean Henderson.
Në mesin e pjesës së parë të dy skuadrat kishin nga një rast, me Jesse Lingard (Nottingham) dhe Mohamed Salah (Liverpool), por sërish nuk kishte gol.
Pjesa e parë u mbyll pa gola, duke treguar vështirësinë që kishte Liverpooli për të shënuar.
Vendasit e nisën pjesën e dytë shumë mirë dhe rrezikuan në dy raste para se të vinin te goli.
Zhvillohej minuta e 55-të, kur Taiwo Awoniyi gjeti rrjetën për 1-0, duke e mposhtur Alissonin.
Edhe në minutat e mbetura, Liverpooli nuk ishte më i rrezikshëm se sa Nottingham.
Në fundin e ndeshjes Alexandre Arnold kishte rast të barazonte, por Henderson ishin në vend.
Nottingham pas kësaj fitoreje kanë nëntë pikë dhe largohen nga pozita e fundit, ndërsa Liverpool mbetet në vendin e shtatë me 16 pikë, por mund ta humbin edhe këtë pozitë, pasi ata që e ndjekin nga pas do të luajë në këto dy ditë.
