Mbyllet dhe fundjava futbollistike dhe tani fokusi i skuadrave do të kthehet tek sfidat e parafundit të Champions dhe Europa League.
Ndjekim disa nga titujt kryesorë për ditën e sotme:
Gazzetta dello Sport hapet në prag të sfidës së Milanit në Champions League: “Misioni 60 milionë”. Kuqezinjtë duhet me çdo kusht të fitojnë dy ndeshjet e fundit të grupit për të kaluar në raundin tjetër.
“Mbretëria e Napolit” ka shkruar Corriere dello Sport, me napoletanët, të cilët vazhdojnë të vrapojnë dhe ende fitojnë, madje edhe në Olimpico kundër Romës. Vendosi sfidën goli i Osimhen.
Tuttosport hapet në qendër me dy skuadrat e qytetit. Në të djathtë: “Vitamina K për Juventusin”. Kostiç është arma për të ndezur sulmuesit, bardhezinjtë nesër ndaj Benfica-s përpiqen të mbajnë të hapur çështjen e kualifikimit për Champions League. Në të majtë: “ Është demi Pietro”, me rrjetën e Pellegrit që I jep tre pikët torinos ndaj Udineses.
Marca kryeson me njeriun e momentit te Real Madridi: “Fede Valverde e thyen atë. Uruguaiani, kontributi i të cilit është gjithnjë e më vendimtar, nuk do të jetë në sfidën e Champions League ndaj Leipzig.
Në La Liga, megjithatë, Barcelona përgjigjet dhe katalanasja Sport rrit performancën e Blaugranëve dhe në veçanti të Dembeles: “Festivali Dembele”. Francezi shënoi një gol dhe dhuroi tre asistime, në fitoren 4-0 kundër Athletic Bilbao.
“Griezmann është rikthyer” është titulli i madrilenes AS. Francezi kryeson triumfin e Atletico-s ndaj Real Betis me një dygolësh.
