Nëse ka një aspekt ku lufta e nisur nga Rusia ka ndikuar më shumë jetën tonë të përditshme, është rritja e çmimit të ushqimeve, dhe naftës.
Mirëpo, pritet të rritet akoma dhe më shumë, nga 5 dhjetori.
Pse pikërisht kjo datë?
Kjo është dita kur do të hyjnë në fuqi vendimet e BE, të qershorit të këtij viti, të cilët miratuan paketën e gjashtë të sanksioneve. Kjo paketë “ndalon blerjen, importin ose transferimin e naftës bruto dhe disa derivateve të naftës nga Rusia në BE. Këto sanksione pritet të reflektojnë edhe në vendin tonë dhe sipas ekspertëve, çmimi i naftës mund të kapë dhe 500 lekë për litër.
Këto kufizime do të fillojnë të zbatohen gradualisht: brenda gjashtë muajve kur bëhet fjalë për naftën bruto, nga 5 dhjetori, dhe brenda tetë muajsh kur bëhet fjalë për derivatet e tjera të rafinuara të naftës, nga 5 shkurti i vitit të ardhshëm”. Që nga momenti i marrjes së këtij vendimi, dy komunitete biznesi filluan menjëherë të kërkonin një zgjidhje: tregtarët e naftës dhe kompanitë e cisternave.
Të dyja po shkojnë mirë, nafta ruse është e kërkuar sepse është nën çmimin e tregut dhe blerësit e mëdhenj në Azi po grumbullohen. Kjo marrëveshje e mirë mund të përfundojë kur sanksionet evropiane të hyjnë në fuqi. Shtetet e Bashkuara, një prodhues i madh i naftës, i vetë-mjaftueshëm në energji, kompanitë e së cilës aktualisht po shesin sasi të mëdha gazi të lëngshëm në Evropë me çmime historikisht të larta, janë gjithashtu të shqetësuara. Uashingtoni beson se ndërprerja e blerjeve evropiane të naftës mund të shkaktojë dridhje në tregun e çmimeve, të cilat mund të kërcejnë sërish si fillimi i agresionit rus kundër Ukrainës. Rusia tani shet 7.4 milionë fuçi në ditë, që përfaqëson rreth 10 për qind të pjesës së tregut.
