Kreu i Partisë së Lirisë, Ilir Meta ndodhet në një takim me kryetarin e Patrisë Demokratike Sali Berisha.
Sipas burimeve, të dy liderët e partive ndodhen në takim, në selinë e PD-së.
Takimi besohet se po zhvillohet në kuadër të zgjedhjeve vendore dhe protestave të paralajmëruara të opozitës dhe vjen vetëm dy ditë pasi presidenti i Republikës, Bajram Begaj ka dekretuar 14 majin 2023 si datën e zgjedhjeve lokale.
Kujtojmë që Sali Berisha dhe Ilir Meta janë shprehur hapur për të mbështetur kandidatët e opozitës në zgjedhjet lokale. Kreu i PL-së ka deklaruar se nuk do të sfidojë asnjë kandidat për kryetar bashkie të propozuar nga PD, ndërsa është shprehur se fokusi janë këshillat bashkiakë.
Nga ana tjetër, Partia Demokratike ka nisur procesin e primares për të përzgjedhur kandidatët që do të garojnë përballë atyre të Partisë Socialiste.
