Është mbyllur dhe raundi i pestë i Europa dhe Conference League. Në Europa League, Manchester United siguroi kualifkimin, Roma mposht Helsnikin, kurse Arsenali bie në Holandë ndaj PSV.
Në Conference League, Ballkani i Ilir Dajës u mposht në stadiumin ‘Fadil Vokrri’ nga Slavia Prague me rezultatin minimal 1-0.
Ndjekim disa nga titujt kryesorë për ditën e sotme:
Gazeta AS nxjerr në pah në kopertinën e saj Vinicius Junior: “Rinovimi”. Braziliani tashmë ka nënshkruar kontratë të re me Real Madridin deri në vitin 2027.
Gazzetta dello Sport hapet sot me titullin qendror kushtuar ish-trajnerit të Juventusit për një rikthim hipotetik: “Juve kërkon Conten”. Paqe me Agnellin dhe rikthim i mundshëm. Trajneri është gati të lëjë Tottenhamin, Allegri është në telashe dhe kthesa e bujshme mund të vijë në verë.
“Mou tregon thonjtë” është titulli i Corriere dello Sport në lidhje me fitoren e Romës në Europa League. Roma fiton në Helsinki me rezultat 2-1 dhe mbetet në lojë për kualifikimin në fazën tjetër.
Marca ia kushton kopertinën një ylli 16-vjeçar:”Urdhri i Madridit: nënshkruaj Endrick”. Për supertalentin e Palmeiras, Real Madridi do të paraqesë së shpejti një ofertë për të marrë shërbimet e tij. Interesimi i fortë nga Paris Saint-Germain ka detyruar klubin e Los Blancos të bëjë një lëvizje të shpejtë.
Tuttosport hapet me titullin qendror kushtuar krizës totale në Juventus: “Fortesa Agnelli”. Në krizë në fushë e në ankth në sallat e gjyqit, Juventus nuk gjen qetësi: presidenti thërret 500 punonjësit e Juventusit në stadium për t’i siguruar ata për të ardhmen dhe korrektësinë e klubit. FIGC kërkon nga prokurorët dokumentet gjyqësore të hetimit.
