Andrea Ndoji ka vendosur të përfaqësojë Greqinë dhe jo Shqipërinë, pavarësisht faktit që është aktivizuar rregullisht fillimisht në skuadrën U-17 dhe më pas te U-21.
Vendimin, lojtari ua ka bërë me dije zyrtarëve të FSHF pas ftesës së ka marrë ditët e fundit nga trajneri Edoardo Reja për t’u grumbulluar në miqësoret me Italinë dhe Armeninë.
Por, futbollisti në një pronocim të dhënë për faqen “Fansat e Futbollit Shqiptar” ka deklaruar se arsyeja e refuzimit të tij ka të bëjë më faktin se tek Kombëtarja që të luash futboll duhet që të paguash lek.
“Unë vendosa te luaj per Greqin sepse tek Federata Shqiptare ka korrupsion, nuk luajnë lojtaret qe e meritojn ne formacion.
Une luaj titullar me Olyimpiacosin ndersa trajneri Alban Bushi aktivizonte lojtaret nga Seria C e Seria D.
E shikoja vete qe fusnin miq dhe jepnin lek per te lozur titullar.. Tek Shqiperia s’loz ai qe ka talentin por ka mikun dhe lekun”, është shprehur ai.
