Piloti britanik i Mercedes, George Russell, fitoi mbrëmjen e sotme garën sprint të zhvilluar në pistën e Interlagos, Brazil. Ky është suksesi i parë sezonal për makinën gjermane edhe pse ende mungon fitorja në një garë të vërtetë, fitore që mund të vijë pas 24 orësh.
Russell ndërtoi fitoren e tij në mesin e kësaj gare sprint, kur parakaloi Max Verstappen me Red Bull, që u rendit në vendin e katërt. Strategjia e gabuar që RedBull përdori me holandezin, duke i montuar gomat e mesme, e penalizoi në garë, pasi Verstappen u parakaluar edhe nga Carlos Sainz (Ferrari) e Lewis Hamilton (Mercedes).
GEORGE RUSSELL WINS F1 SPRINT!!! 🏆
Not bad for the bloke they call 'Mr Saturday' 😉
Bravo, @GeorgeRussell63 and @MercedesAMGF1 👏#F1Sprint #BrazilGP pic.twitter.com/wFvi3uBuPv
— Formula 1 (@F1) November 12, 2022
Pikërisht këta dy pilotë (Sainz i dyti e Hamilton i treti) u ngjitën në podium në këtë garë sprint bashkë me Russell. Ajo që ra në sy është forma e mirë e Mercedes, që në këtë garë ishte shumë e shpejtë. Nesër, të dy pilotët e Mercedes do ta nisin garën nga vija e parë, pasi Sainz do të penalizohet me 5 pozicione.
Në vendet 5-6 u renditën edhe Sergio Perez me Red Bull e Charles Leclerc me Ferrari, që e nisën garën nga vendet e mesit. Ndërsa Kevin Magnuseen me Haas, që e nisi garën nga “pole”, u rendit në vendin e tetë. Renditja e kësaj gare sprint do të shërbejë nesër për startin e garës normale të Brazilit.
