Neymar dhe PSG përballen këtë të dielë kundër Auxerre, ndeshje e cila do të jetë e fundit para Kupës së Botës ‘Katar 2022’.
Braziliani do të jetë një nga yjet e mëdhenj të asaj ngjarje, të cilën ai e arrin në një nga momentet e tij më të mira, duke qenë edhe lideri i madh i kombëtares braziliane për të fituar titullin.
Braziliani është bërë ylli, ndaj të cilit PSG-ja kërkon shumë, pas disa golave dhe asistime, të cilat e kanë bërë atë vendimtar dhe të çekuilibruar. Në moshën 30-vjeçare, ky Neymar të kujton më shumë atë që e ka shijuar kaq shumë lojën te Barcelona.
Edhe pse në një intervistë dhënë gazetës braziliane ‘O Globo’, Neymar nuk beson se ky do të jetë sezoni i tij më i mirë.
Ai mbrohet nga kritikat për paraqitjen e tij në vitet e mëparshme në Paris: “E nisa mirë sezonin, por të gjitha sezonet e mia me PSG-në kanë qenë të mira, nëse shikoni numrat. Dallimi është se kam pasur dëmtime të rënda në sezonet e fundit dhe kam qenë jashtë fushës për një kohë të gjatë, gjë që më trishton”.
Në Brazil, ajo që bie në sy në këtë intervistë, është se sulmuesi mund të luajë Botërorin e tij të fundit në Katar. “Unë do të luaj sikur të ishte i fundit. Le të luajmë çdo ndeshje sikur të jetë e fundit, sepse nuk e dime e çfarë ndodh nesër. Nuk mund të garantoj se do të luaj një Botëror tjetër. Sinqerisht, nuk e di.”
Një tjetër sfidë e Neymarit në Katar, përveç fitimit të trofeut, do të jetë edhe mposhtja e Pelé. Sipas shifrave të FIFA-s, Neymar është tre gola larg rekordit të Pelé, si golashënuesi më i mirë në historinë e ekipit brazilian. Ndërsa numri aktual ’10’ ka shënuar 75 gola, ‘Mbreti’ ka shënuar 77. “Pelé është referenca. Pelé është futbolli. Pelé është praktikisht gjithçka për vendin tonë. Respekti dhe admirimi që kam për të është i madh,”- ka deklaruar ‘Ney’.
Sigurisht, në mendjen e Neymar është fitimi i titullit me kombëtaren e Brazilit. Dhe, me siguri, pas Kupës së Botës ai ka sfidën për të fituar Champions Leaguen e parë me PSG-në. Kjo mund ta afrojë atë më afër fitimit të “Topit të Artë”, diçka që nuk e ka arritur kurrë në karrierën e tij. Por në këtë intervistë në ‘O Globo’ shihet një Neymar më i thellë.
Braziliani deklaroi se “Më pëlqen të luaj futboll, më pëlqen të fitoj. Më pëlqen të jem më i mirë seç jam çdo ditë. Më pëlqen të ndihmoj shokët e skuadrës, kjo është gjëja kryesore”. Dhe, objektivi i tij është shumë i qartë: “Shpresoj që emri im të shënohet në historinë e futbollit. Nëse jo në futboll, atëherë në jetën e dikujt”.
Lavdia pret një Neymar që ëndërron të vazhdojë të shijojë futbollin, si me kombëtaren e Brazilit ashtu edhe me PSG-në. Futbolli me siguri do ta vlerësojë.
