Shpërblim marramendës, ja se sa do të fitojnë kombëtaret në Botërorin e Katarit

113 563 lexime

124,178FansaPëlqeje

Federata botërore e futbollit – FIFA ka ndarë një shumë prej afro 425 milionë eurosh për fondin e shpërblimeve të Kampionatit Botëror, ‘Katar 2022’.

Siç shkruajnë shumë media botërore, kjo është një rritje pre rreth 40 milionë eurosh krahasuar me Botërorin në Rusi (2018), derisa fondi i çmimeve në Botërorin e Brazilit (2014) ishte pak më shumë se 345 milionë euro.

Edhe pse kjo është një shumë e konsiderueshme, FIFA parashikohet të ketë të ardhura marramendëse prej 4.45 miliardë euro gjatë vitin 2022, me 2.5 miliardë euro të mbledhura vetëm nga të drejtat televizive.

Në prill të këtij viti u konfirmua se kampioni i ri i botës do të arkëtojë një shumë rekorde prej 42 milionë eurosh, që është një rritje prej më shumë se tre milionë krahasuar me vitin 2018.

Para vitit 2006, thuhet se kampioni i botës nuk ka arkëtuar kurrë më shumë se nëntë milionë euro, ndërsa Italia fitoi pak më shumë se dy milionë euro për fitimin e Kupës së Botës në vitin 1982, që është ndoshta treguesi më i mirë se sa faktori i rëndësishëm janë bërë paratë në futboll, si industri sportive.

Edhe pse çdo ekip duhet të paguajë rreth një milion e gjysmë euro si tarifë regjistrimi për të marrë pjesë në Botërorin e Katarit, të gjitha përfaqësueset do të kthehen nga ky vend dukshëm më të pasur.

Për pjesëmarrje në fazën e grupeve, FIFA ka siguruar shpërblim prej 8.7 milionë eurosh për secilën përfaqësuese, ndërsa për kualifikim në 1/8 e finales skuadrat do të kenë përfitime prej 12.5 milionë eurosh.

Për arritje në çerekfinale është i garantuar një çmim në të holla prej gati 16.5 milionë euro, ndërsa vendi i katërt do të shpërblehet me 24 milionë euro.

Lexo edhe :  Kualifikueset e Botërorit 2026/ Ndeshjet ndaj Serbisë & Letonisë,Silvinjo publikon listën

Për vendin e tretë është i garantuar një çmim prej 26 milionë eurosh, nënkampioni do të arkëtojë 30 milionë euro, kurse kampioni i botës gjithsej 42 milionë euro.

FIFA gjithashtu do të sigurojë më shumë se 200 milionë euro si kompensim për klubet, lojtarët e të cilëve do të luajnë në Kampionatin Botëror.

Të fundit

Stërvitja më e bukur për t’u bërë qytetarë… Europianë!

Nga Alba Malltezi Ne shqiptarët jemi mësuar me stërvitje nga më të ndryshmet. Historia dhe fati na kanë sjellë lloj...

Nuk ka më dyshime/ Real Madrid zyrtarizon transferimin e Trent Alexander-Arbold

Real Madridi ka zyrtarizuar nënshkrimin e Trent Alexander-Arnold. Mbrojtësi i djathtë anglez i bashkohet Los Blancos pasi përfundoi kontratën e tij me Liverpoolin dhe...

Kur do të vijë në Shqipëri? Parashqevi Simaku jep përgjigjen e shumëpritur

Parashqevi Simaku zhvilloi një intervistë për emisionin “Opinion” ku rrëfeu për gazetarin dhe moderatorin Blendi Fevziu gjithçka që ka ndodhur me të gjithë këto...

Një divë në skenë si Edith Mihali, artistja zgjedh që të tregojë për veten përmes artit

Edith Mihali është një prej personaliteteve të skenës lirike shqiptare. Mjeshtre e Madhe dhe Artiste e Merituar, e kompletuar me studime për artet të...

Përse nuk duhet të vendosësh akull mbi lëkurën e djegur

Studimet tregojnë se të djegurat janë ndër pesë aksidentet më të rëndomta që ndodhin në kuzhinë. Është pikërisht kjo e fundit që ofron edhe kurimin...

Lajme të tjera

Web TV