Ka përfunduar mbledhja e përfaqësuesëve të NATO-s për shpërthimin në raketë mbrëmjen e djeshme në territorin e Polonisë. Në fjalën e tij për mediat në përfudnim të kësaj mbledhjeje, Sekretari i Përgjithshëm i NATO-s, Jens Stoltenberg tha shpërthimi me dy të vdekur në Poloni, ishte ndoshta rezultat i zjarrit anti-ajror ukrainas, por se Rusia mban “përgjegjësinë përfundimtare” për luftën.
“Një hetim për këtë incident është duke vazhduar dhe ne duhet të presim rezultatin e tij… Por ne nuk kemi asnjë indikacion se ky ishte rezultat i një sulmi të qëllimshëm,” tha Stoltenberg pas kryesimit të një takimi të ambasadorëve të NATO-s.
“Analiza jonë paraprake sugjeron se incidenti ka të ngjarë të jetë shkaktuar nga një raketë e mbrojtjes ajrore ukrainase e lëshuar për të mbrojtur territorin ukrainas kundër sulmeve me raketa ruse”.
Dy raketa ruse goditën mbrëmjen e djeshme një fermë në Przeëodóë në anën polake të kufirit polako-ukrainas duke lënë të vdekur dy qytetarë polak. Polonia është një vend anëtarë i NATO-s dhe si i tillë në rast sulmi mbrohet nga Aleanca. Shpërthimi ka vënë në alarm jo vetëm Poloninë por dhe vendet fqinje si Lituania, e cila po ashtu është vend anëtar i NATO-s. Kryeministri polak ka thërritur menjëherë mbledhjen e Këshillit të Sigurisë Kombëtare për të marrë masa të menjëhershme në bazë te rregullores së Aleancës së Atlantikut të Veriut. Rusia nga ana e saj i ka mohuar akuzat duke i quajtur shpifje të Perëndimit ndërkohë parlamenti i Çekisë ka votuar një mocion që e shpall Rusinë shtet terrorist.
