Barazimi i Spanjës ndaj Gjermanisë do të jetë në fokusin e gazetave për ditën e sotme.
Ndjekim disa nga titujt kryesorë:
La Gazzetta dello Sport feston yllin me Botërorit, Kylian Mbappé: “Zoti Miliard”. Sulmuesi francez tashmë me 3 gola udhëheq kampionët në fuqi drejt fazës tjetër dhe vlen një pasuri.
Corriere dello Sport hapet me titullin: “Të varur nga një fije”, për Kupën e Botës me vështirësitë e Belgjikës dhe Gjermanisë pas rezultateve të djeshme.
Në Tuttosport, hapja si zakonisht i kushtohet Juventusit, duke marrë parasysh fjalët e djeshme të Agnelli për sektorin e të rinjve: “Juve, ja ku është rruga”, me fotot e Fagiolit dhe Mirettit.
Sot në mbrëmje do të përjetohet një tjetër ndeshje e madhe, ajo mes Portugalisë dhe Uruguait, të cilës i kushtohet edhe titulli i gazetës luzitaniane A Bola. Në faqen e parë, fotoja e Cristiano Ronaldos dhe Cavanit, ish-shokët e skuadrës dhe të kornizuar në një foto nga çerek-finalja e katër viteve më parë: “Miq, futbolli mënjanë!“.
Madrilenia AS hapet me titullin: “Gati”. Spanja barazon me Gjermaninë dhe do të sigurojnë një vend në 1/16 nëse barazojnë të enjten me Japoninë.
“Nxehtë” shkruan katalanasja Sport. Një ndeshje e shkëlqyer për Spanjën, e cila kaloi në epërsi përmes Moratës, por nuk mundi t’i rezistojë momentit gjerman deri në fund.
