Sot nis xhiro e tretë e fazës së grupeve të Kupës së Botës dhe disa përballje interesante do të na shoqërojnë.
Ndjekim disa nga titujt kryesorë për ditën e sotme:
Hapjet e gazetave italiane shënohen natyrshëm nga lajmi i ditës, ai i dorëheqjes të Bordit të Drejtorëve të Juventusit, përfshirë edhe presidentin Andrea Agnelli. “Juve, nis revolucioni”, titullohet La Gazzetta dello Sport.
Corriere dello Sport hapet po ashtu në lidhje me atë që ndodhi me Juventusin: “Dorëhequr”. Lamtumira e Agnellit dhe e gjithë Bordit hap një epokë të re, në pritje për të kuptuar evolucionin e hetimit për fitimet kapitale.
Tuttosport si zakonisht hapet gjithashtu me lajmin e bujshëm: “Epoka e re e Juves”. Të gjithë largohen, edhe Agnelli! 
Në Portugali, A Bola feston me protagonistin e fitores së djeshme, që siguroi edhe kalimin e grupit drejt fazes 1/16-të, pikërisht Bruno Fernandes, autor i një dyshe: “Princi perfekt”.
Në Spanjë, gazeta madrilene AS hapet me titullin: “Brazili në pamje”. Një gol i Casemiro kualifikon Brazilin, i cili mund të përplaset në çerekfinale me Spanjën.
“Zjarr dhe akull” shkruan Britanikja “Mirror Sport”, në lidhje me ndeshjen e ditës të Anglisë ndaj ‘fqinjëve’ të Uellsit. Të dyja skuadrave u duhet fitorja për kualifikim, prandaj do të jetë ndeshje e luftuar deri në fund.
