Largimi i bujshëm i Gjermanisë nga Kupa e Botës dhe humbja e Spanjës përball Japonisë kanë pushtuar faqet e para të mediave sportive për ditën e sotme
La Gazzetta dello Sport i kushtohet rikthimit të mundshëm tek Juventusi të Alessandro Del Piero: “Juve, unë jam këtu”. Dje legjenda e Juventusit iu përgjigj kështu thashethemeve të shumta: “Nuk do të komentoj lajme dhe pakujdesi, është një fazë delikate. E vetmja gjë për të bërë tani është të mbështesim drejtuesit e rinj, të cilët do të punojnë me profesionalizmin dhe pasionin që meritojnë tifozët dhe fanella jonë”. Ish-sulmuesi nuk e mbyll derën për një rikthim të mundshëm.
Hapja e Corriere dello Sport, përveç aferës së Juves, i kushtohet edhe eliminimit të bujshëm të Gjermanisë nga Botërori i Katarit: “Gjermania përfundon këtu”. Skuadra e Flick mposht Kosta Rikën, por nuk arrin të kualifikohet për të 1/16-ën për shkak të fitores së Japonisë.
“Juve nën rrethim” është hapja e torinezes Tuttosport. UEFA ka hapur gjithashtu një dosje për llogaritë dhe hetimet e fundit për Juventusin. Ceferin dëshiron të shohë qartë: organizata më e lartë evropiane ka hapur një hetim për shkelje të mundshme të rregulloreve për licencat e klubeve dhe Fair-Play financiar.
Gazeta madrilene AS, ironizon në një farë mënyre ‘’Panzerat’: “Faleminderit(Danke)”, duke i falenderuar Gjermanët për fitoren ndaj Kosta Rikës, fitore e cila mundësoi kalimin e kombëtares së Luis Enrique në 1/16.
“Kishim një siklet” është titulli i prestigjiozes Marca. Një Spanjë zhgënjyese përfundoi duke u eliminuar për tre minuta dhe u kualifikua falë Gjermanisë. Ata do të luajnë kundër Marokut të martën në fazën e 1/16-të.
