Gazetarja e njohur nga Kosova, Arbana Xharra ka reaguar ashpër pas sulmit të Sali Berishës në protestën e PD, duke e akuzuar këtë të fundit si provokator skandalesh në një ditë të rëndësishme për Shqipërinë, teksa mbahet samiti i BE-së.
Xharra thotë në një postim në Facebook, se Berisha u çua për të provokuar skandale, ndërsa pyet se si është e mundur që truprojat nuk arritën ta mbronin nga grushti i agresorit.
“Tash merreni me mend ata liderë të BE-së që janë në Tiranë, kur i shohin këto pamje, kanë me thanë “ik të ikim se s’ka send prej këtij vendi”, shkruan ndër të tjera Xharra.
Reagimi i plotë:
Në një ditë shumë të rëndesishme si kjo sot, kur liderët e BE-së mblidhen në Tiranë, çohet Sali Berisha me protestu e me provoku skandale. Ky se ka pase asnjëherë problem me kallë vendin, e le ma tash që është ba matuf. Në turma gjithmonë ka rrezik me u sulmu, por qysh ka mundësi që truprojet e tij mos me qenë në gjendje me e mbrojtë prej grushtave?! Tash merreni me mend ata liderë të BE-së që janë në Tiranë, kur i shohin këto pamje, kanë me thanë “ik të ikim se s’ka send prej këtij vendi”. Kurse shqiptarët hala mendojne që, “neve duhet me na dashtë Evropa e Amerika se ne jemi pro perendimor e aleat të tyre”. Faqja e zezë!
