Luis de la Fuente, trajneri i ekipit U-21, është ai i zgjedhur nga RFEF për të marrë drejtimin e kombëtares spanjolle, duke zëvendësuar Luis Enrique Martínez.
Pasi u konfirmua lamtumira e Spanjës në turneun e Katarit, në ndeshjen e 1/8-tës kundër Marokut, RFEF dhe Luis Enrique kanë marrë vendimin për t’i dhënë fund marëdhënies si trajner dhe kanë vendosur të hapin një projekt të ri me Luis de la Fuente përpara.
NJË CIKËL KATËR VJEÇAR
I emëruar pas Kupës së Botës në Rusi, Luis Enrique përfundon një cikël katërvjeçar, me përjashtim të muajve që mungoi për shkak të sëmundjes së vajzës së tij.
Luis Enrique udhëhoqi Spanjën në dy edicione të Ligës së Kombeve (2019 dhe 2021), një Europian (verë 2021) dhe një Kupë Bote, atë të Katarit. RFEF raportoi këtë të enjte se Luis Enrique nuk është më në krye të skuadrës.
“NJË PROJEKT I RI”
“Drejtori sportiv i RFEF-it i ka transferuar presidentit një raport në të cilin përcaktohet se duhet të fillojë një projekt i ri për ekipin spanjoll të futbollit, me qëllim që të vazhdojë me rritjen e arritur në vitet e fundit falë punës së kryer nga Luis Enrique dhe bashkëpunëtorët e tij.
Si presidenti Luis Rubiales dhe drejtori sportiv José Francisco Molina ia kanë transmetuar trajnerit vendimin e marrë”, thuhet në deklaratën e RFEF.
Luis de la Fuente, i lindur në Haro (La Rioja) dhe një ish-lojtar i Athletic Bilbao dhe Sevilla, do të jetë në krye të këtij projekti, me një listë lojtarësh që ai ka drejtuar tashmë në kategoritë më të ulëta.
De la Fuente është në krye të ekipit U-21 që nga viti 2018, duke zëvendësuar Celades. Në vitin 2019 ai fitoi kampionatin evropian nën 21 vjeç.
OFICIAL | La @RFEF confía en Luis de la Fuente como nuevo seleccionador nacional @SEFutbol
La junta directiva debe aprobar el nombramiento el próximo lunes
https://t.co/Pj4Wf6McMx#VamosEspaña pic.twitter.com/V3iIvR5EUx
— RFEF (@rfef) December 8, 2022
