Sot nisin gjysmëfinalet e Kupës së Botës, me çiftin Argjentinë-Kroaci. Të dyja ekipet premtojnë një betejë të fortë për një vend në finalen e lavdishme dhe do të jenë të uritur për fitore.
Ndjekim disa nga titujt kryesorë të mediave sportive për ditën e sotme:
La Gazzetta dello Sport e hap me një intervistë ekskluzive me Zlatan Ibrahimovic: “Ibra, Milan po vjen”, fjalët e kampionit suedez që po i afrohet rikthimit në fushë dhe gjithashtu flet për të ardhmen e Leaos : “Ai duhet të qëndrojë këtu, është i lumtur”.
Corriere dello Sport fokusohet në faqen e parë të ndeshjes së Kupës së Botës ndërmjet Kroacisë dhe Argjentinës: “Messi sheh Diegon”, paralelizmi mes numrit dhjetë të Albiceleste dhe Pibe de Oro. Gjysmëfinalja kundër Kroacisë mund ta afrojë atë me legjendën.
Tuttosport i jep hapësirë të bollshme merkatos së Juves: “Kapitali i intrigave”. Synimet e Lazios për Pellegrinin ngrohin pistën e Milinkoviçit, duke bërë presion ndaj Karsdorp dhe Smalling te Roma.
Modric sfidon Messin në gjysmëfinalen e parë të Kupës së Botës, e cila spikatet faqen e parë të AS: “Një sfidë e numrave 10-të”. Pesha e dy kapitenëve do të jetë vendimtare në ndeshjen që do të vendosë finalistin e parë të Kupës së Botës.
“Messi, ju pret finalja” shkruan katalanasja Sport. Argjentina sot përballet me Kroacinë për një vend në finale. Tensioni maksimal mes argjentinasve ndaj një Kroacie që do të dalë me shumë më pak presion.
Prestigjiozja franceze L’Equipe shkruan: “Ankuesit e Deschamps”. Didier Deschamps ka letrat në dorë për të vazhduar kontratën dhe gjithashtu një skuadër yjesh e cila është gati për të bërë histori duke fituar Botërorin e dytë radhazi.
