E pabesueshme por shumë e vërtetë. Një burrë 53-vjeçar që jeton në një lagje të Buenos Aires vendosi të merrte peng një autobus që të arrinte shpejt në shtëpi në mënyrë që të ndiqte ndeshjen gjysmëfinale të Kupës së Botës mes Argjentinës dhe Kroacisë.
Incidenti ndodhi më 13 dhjetor, në Ciudad Santa María, Buenos Aires. Burri 53-vjeçar ishte në një linjë autobusi 440 midis Fragës dhe Avenida Ricardo Balbín, por u bllokua në trafik.
Burri zbriti nga autobusi kur doli me semafor të kuq për të marrë diçka nga një kioskë aty pranë dhe kur u kthye vendosi të hiqte shoferin nga vendi dhe të merrte timonin në duar.
Qëllimi i tij ishte të kthehej në shtëpi në kohë për të parë ndeshjen, por ai përfundoi në stacionin e policisë San Mingel. Shoferi thirri policinë dhe shumë shpejt policia rrethoi autobusin.
Autori është marrë në pyetje dhe më pas në qendrën e paraburgimit! Ai humbi të gjithë ndeshjen, por u lehtësua kur mësoi për kualifikimin e Argjentinës në finale. Sigurisht që ai do të kalojë në gjyq.
