Antonio Conte nuk është nga ata trajnerë që kafshojnë gjuhën. Nëse nuk i pëlqen diçka, ai e thotë troç dhe kjo është ajo që bëri në lidhje me kalendarin, duke treguar zemërimin e tij ndaj Premier League.
Tottenham përballet me Brentford, ndeshje që nis në orën 13:30, dhe trajneri italian tashmë e ka bërë të qartë se për atë ndeshje do të luajnë lojtarët që nuk shkuan në Botëror, pra Perisic, Son, Kane dhe Dier do të jenë zëvendësues, ndërsa Lloris dhe Romero janë bashkuar vetëm së fundmi me skuadrën.
“Është një situatë e çuditshme dhe, sinqerisht, të luash kaq shpejt, vetëm një javë pas Kupës së Botës, nuk më bën të lumtur. Kur ke kaq shumë lojtarë në një turne si ai, nuk është e lehtë sepse gjendja fizike nuk është më e mira”-tha Conte.
