Arsenali ka fituar 3-1 ndaj West Hamit në kuadër të javës së 17-të në Premier League.
Topçinjtë tundën rrjetën e mysafirëve pas vetëm pesë minutash me anë të Buakyo Sakas, por goli u anulua për shkak të pozitës jashtë loje.
Më pas, “Çekiçët” fituan një penallti në minutën e 28-të, e cila u konvertua në gol nga Mohamed Said Benrahma.
Skuadrat shkuan në pushimin mes pjesëve me këtë rezultat (0-1), derisa në 45 minutat e dytë u shënuan edhe tre të tjerë.
Fillimisht, Martin Odegaard asistoi te Bukayo Saka, që realizoi për 1-1, duke i dhënë edhe më shumë motiv skuadrës së tij.
Pesë minuta më vonë, Granit Xhaka e gjeti për mrekulli Gabriel Martinellin, që i përmbysi shifrat në 2-1.
Për ta vulosur fitoren e Arsenalit u përkujdes Eddie Nketiah në minutën e 69-të, me Odegaardin që realizoi asistimin e tij të dytë në ndeshje.
Pas javës së 17-të, Arsenali vazhdon të jetë lider me 40 pikë, ndërsa në xhiron e 18-të do të ketë përballë Brightonin.
https://youtu.be/xWwpJNXD-l0
