Real Madridi ka shënuar fitore si mysafir ndaj Real Valladolid me rezultat 2-0 në kuadër të javës së 15-të.
Mbretërit e nisën shumë mirë takimin duke krijuar disa raste para portës së Real Valladolid.
Vendasit kishin rastin e parë me Alvaro Aguado në fundin e pjesës së parë, por nuk arritën të shënonin. Pjesa tjetër e rasteve foli për madrilenët.
Pjesa e dytë nuk dhuroi shumë, por në fund u bë interesante, kur Real Madridi fitoi penallti dhe në minutën e 83-të, Karim Benzema shënoi nga pika e bardhë për 1-0.
Në minutën e 89-të, erdhi edhe goli i dytë nga fituesi i ‘Topit të Artë’, që shënoi pas asistimit të bukur të Eduardo Camavingas për 2-0.
Me këtë fitore Real Madridi merr përkohësisht pozitën e parë me 38 pikë, një më shumë se Barcelona.
https://youtu.be/eRj32wlGWA4
