Tifozët e Valladolid kundër Ronaldo Fenomenit: ““Na ktheni stemën tonë”

113 563 lexime

124,178FansaPëlqeje

Ronaldo ka përfunduar në qendër të vëmendjes së tifozëve të Real Valladolid, klubit ku është president. “Fenomeni” e ka parë veten mes polemikave. As “Epifania” nuk arriti të sillte paqe mes presidencës dhe një grupi tifozësh që varën pothuajse kudo pankarta aspak pajtuese ndaj brazilianit.

Një sulm frontal, por edhe… anësor. Disa mesazhe kundër presidentit dhe drejtuesve të lartë u shfaqën si në derën e hyrjes së dhomave të zhveshjes, ashtu edhe në shkallët e hyrjes së stadiumit. Kontestimet e tifozëve lidhen me stemën para së gjithash. Një baner nuk lë vend për interpretim: “Na ktheni stemën tonë”.

Një referencë e qartë për ndryshimin e stemës që klubi bëri qershorin e kaluar.

Tjetra, megjithatë, është e lidhur me polemikat mbi rastin Vinicius. Ronaldo dënoi qëndrimin e atyre që ofenduan futbollistin e Real Madridit. Tifozët iu hakërryen kështu: “Ronaldo mbron Real Madridin… Dhe të mendosh se është president i Valladolidit. 84”.

Pikërisht pas këtij numri mund të gjurmojmë lehtësisht grupin e organizuar të mbështetësve që kontestojnë presidentin, se nuk e ka ngritur kurrë zërin për të mbrojtur interesat e klubit të tij. Presidentit i kërkohet të kthejë stemën e vjetër, të mbrojë tifozët dhe klubin dhe të mos përfitojë për interesat e veta apo të të tjerëve.

Nuk është hera e parë që disa tifozë të Real Valladolid përplasen me “Fenomenin”.

Tashmë, në nëntor 2020, kur skuadra po kalonte një moment veçanërisht të komplikuar në kampionat, i cili më pas do të kulmonte me rënien në kategorinë e dytë spanjolle, Ronaldo ishte qortuar për mungesë interesi ndaj klubit.

Dhe pa shumë komplimente, ai ishte ftuar të mendonte më pak për Brazilin dhe tenisin, më shumë për Valladolidin. Me atë rast tifozët kishin frikë edhe nga një mosangazhim i mundshëm në rast të rënies. Në dritën e fakteve, kjo nuk ka ndodhur kurrë. Rikthimi në La Liga kishte bërë që figura e brazilianit të rritej në vlerësimin e tifozëve, por nuk u desh shumë për t’u prishur paqja.

Të fundit

Serbë nga Kosova shkojnë në Beograd për të mbrojtur Aleksandër Vuçiç

Në shtatë ditët e fundit, Parku i Pionierit, i cili gjendet pranë institucioneve më të rëndësishme shtetërore të Serbisë,...

Vodhën banesën e tre shtetaseve të huaja, arrestohen katër vëllezërit në Tiranë

Katër të rinj të moshës 18-vjeçare janë arrestuar nga policia e Tiranës, pasi kanë vjedhur banesën e marrë më qira nga tre shtetase turke...

Është modele si ish-gruaja e Feros, Arbenita Ismajli? Reagon bashkëshortja e ish-reperit

Feronit Shabani i njohur si Fero, vetëm pak ditë më parë dha lajmin se pas divorcit me Arbenita Ismajlin, ishte martuar përsëri me vajzën,...

Gjykata kundër Trump: Të rikthehen punonjësit e larguar. Shkarkimi, jo ligjor

Dy gjyqtarë federalë kanë urdhëruar administratën e presidentit Amerikan Donald Trump që të rikthejë mijëra punonjës të shkarkuar nga puna në mënyrë masive nga...

A e dini pse nuk duhet të hani banane për mëngjes?

Banania është një frut tropikal popullor, i pasur me vitamina dhe minerale. Për shkak të përmbajtjes së lartë të kaliumit, rekomandohet veçanërisht për njerëzit...

Lajme të tjera

Web TV