Steven Gerrard është duke u shqyrtuar për një rol të ri trajneri, ndërkohë që është pa skuadër që prej shkarkimit nga Aston Villa.
Legjenda e Liverpoolit është kontaktuar nga Polonia për ta zënë vendin e Czeslaw Michniewicz në drejtimin e përfaqësueses – njofton The Sun.
Gerrard ishte i shkëlqyer në punën e tij të parë si trajner kur i drejtoi Rangers drejt triumfit të parë të titullit skocez që nga viti 2011.
Mirëpo, ai ishte më pak i suksesshëm te Aston Villa duke zënë vetëm vendin e 14-të në edicionin e kaluar, derisa këtë sezon e nisi dobët, duke sjellë shkarkimin në muajin tetor.
Ish-futbollisti anglez po shqyrtohet seriozisht për postin e përzgjedhësit të Polonisë dhe federata vendase tashmë ka përgatitur një ofertë për të.
