Presidenti polak Andrzej Duda është shprehur gjatë një takimi me presidentin ukrainas Volodymyr Zelensky në Lviv, se vendi i tij do të dërgojë tanke luftarak e “leopard” për të ndihmuar trupat ukrainase në luftën e tyre për liri.
“Një dërgesë e tankeve Leopard për Ukrainën do të dorëzohet / jepet si pjesë e ndërtimit të një koalicioni ndërkombëtar”, shkroi Duda në një deklaratë në llogarinë e tij zyrtare në Twitter. “Ky vendim është marrë tashmë në Poloni”.
Presidenti ukrainas Volodymyr Zelensky nga ana e tij e përshëndeti vendimin.
“Sot mund të them një fjalë shumë të rëndësishme për mbrojtjen tonë, për shtetin tonë, për ushtrinë tonë, për mbrojtjen e përbashkët të Ukrainës dhe të gjithë Evropës – fjalën “tanke””, tha Zelensky gjatë një konference shtypi në Lviv.
Kjo ndihmë ushtarake e Polonisë vjen pas asaj të deklaruar nga Franca dhe Gjermania. Presidenti Macron ka deklaruar më herët se vendi i tij do të dërgojë automjete të blinduara luftarake në Ukrainë, ndërsa kancelari Scholz është shprehur se Gjermania do të dërgojë sistem Patriot amerikan.
