Ministri i Drejtësisë Ulsi Manja tha dje se pritet amnisti penale për të burgosurit në vitin 2023. Një nga shkaqet që do ndërmerret nisma lidhet me mbipopullimin në vendet e vuajtjes së dënimit.
Në vititn 2023 do të ketë aministri për të burgosurit që kanë kryer vepra penale. Këtë e ka bërë me dije ministri i Drejtëisë Ulsi Manja gjatë një konference të përbashket me ministrin e Brendhshëm Bledi Çuçi. Në lidhje me pyetjen mbi pupullimin e burgjeve dhe masat që do të merren në këtë drejtim, Manja e pranoi si fakt. Ministri i Drejtësisë tha se është e vërtetë që në sistemin e burgjeve numri i të paraburgosurve tejkalon numrin e të dënuarve dhe sa i përket paraburgimit ne kemi një mbipopullim. Mbipopullimi sipas Manjës ka shumë faktore, sipas tij por kjo lidhet edhe me veprimtarinë e sistemit gjyqësor. “Sistemi i drejtësisë do duhet t’i parashohë të gjitha masat. Por kjo është pjesë e përgjegjësisë së sistemit të drejtësisë. Me fillimin e punës shpresojmë të ecin proceset gjyqësore dhe ne të lirohemi nga kjo ngarkesë”, ësjtë shprehur Manja. Duke folur për Amnistinë Penale, Manja tha se ky është një mekanizëm për uljen e mbipopullimit të sistemit të burgjeve, ndërsa bëri me dije se për vitin 2023, një nga objektivat e dikasterit që ai drejton është që t’i propozojnë parlamentit miratimin e një amnistie penale. “Amnistia penale është një mekanizëm për uljen e mbipopullimit të sistemit të burgjeve. Për vitin 2023 në objektivat tona është që t’i propozojmë Parlamentit miratimin e një amnistie penale”, ka thënë Manja.
Sfida e 2023
Ministri i Drejtësisë, Ulsi Manja bëri analizën e punës së dikastereve që ata drejtojnë për vitin që sapo lamë pas. Sipas Manjës, një nga arritjes kryesore të Ministrisë së Drejtësisë ishte miratimi i Hartës së re Gjyqësore, ndërsa prioritet, sipas tij, mbetet zbatimi i mëtejshëm i saj gjatë këtij viti ku sapo kemi hyrë. Një tjetër çështje me rëndësi, sipas Manjës, është edhe procesi i Vetingut dhe përmbyllja e tij me sukses. Po ashtu, Manja përmendi edhe rritjen e kuotave të kandidatëve për në Shkollën e Magjistraturës. Prioritet tjetër i rëndësishëm për vitin 2023, sipas ministrit Manja, është edhe lehtësimi i stokut të dosjeve në Gjykatën e Lartë. “Edhe sistemi noterial është në fokusin tonë, ku është bërë dhe do të vijojë filtrimi i noterëve në sistem, ku kujtojmë se deri më tani kemi hequr 10 licenca dhe janë në proces hetimi 7 të tjera, që mund t’u hiqet licenca”, u shpreh Ministri i Drejtësisë, Ulsi Manja.
