Pas mbërritjes së Cristiano Ronaldos tek Al Nassr, objektivi i radhës i Arabisë Saudite është Leo Messi. Lajmi i bujshëm vjen nga “Mundo Deportivo”. Qëllimi i shtetit saudit është të hapet ndaj botës dhe të rrisë turizmin përmes popullaritetit të garantuar nga futbolli.
Në këtë kuptim, objektivi kryesor është organizimi i Kupës së Botës 2030 me një ofertë të përbashkët me Egjiptin dhe Greqinë. Një operacion marketingu që fillimisht do të kalonte nga rritja e kampionatit të saj, Liga Saudite, perms punësimit të dy yjeve të mëdhenj: Cristiano Ronaldos, i cili tashmë ka zbarkuar në Arabi dhe Leo Messit, të cilin sauditët do të përpiqen ta bindin me një ofertë marramendëse.
Në Arabinë Saudite, sipas “Mundo Deportivo”, zërat se Al Hilal, klubi rival i Al Nassr, po bën presion ndaj “10” argjentinase do të jenë gjithnjë e më të shpeshta. Klubi saudit do të ishte gati të bënte ofertë të çmendur financiare për të nënshkruar numrin 10 të Albiceleste.
Klubi bardheblu i Riadit do të ishte i gatshëm t’i bënte Messit një ofertë shokuese prej 300 milionë dollarësh në vit. Një shifër marramendëse që mund të jepet nga drejtuesit e klubit saudit brenda pak ditësh. PSG në fakt do të zbresë në Arabinë Saudite për të luajtur një miqësore dhe drejtuesit e Al Hilal mund të shfrytëzojnë rastin për të provuar të arrijnë një marrëveshje.
Megjithatë, Al Hilal duket se ka një as në mëngë: marrëdhënien mes Messit dhe Arabisë Saudite. Kapiteni i Argjentinës, kampion i botës 2022, është aktualisht ambasador i turizmit saudit, aq sa promovon destinacionet lokale përmes rrjeteve të tij sociale.
Një detaj që nuk duhet anashkaluar në një negociatë të mundshme me PSG-në, e cila do të premtonte të ishte e ndërlikuar, por jo e pamundur. Arabia Saudite megjithatë duket shumë e vendosur, e do Messin në ligën e tij. Oferta do të vijë. Topi më pas do t’i kalojë argjentinasit, i cili do të duhet të komunikojë se çfarë dëshiron të bëjë në të ardhmen e tij të afërt.
