Ish-lojtari i NBA-së, Enes Kanter, po kërkohet nga qeveria turke, e cila ofron 500,000 dollarë shpërblim për çdo informacion që çon në burgosjen e ish-basketbollistit të Utah Jazz, OKC Thunder, NY Knicks, Portland Trail Blazers, Boston Celtics dhe Houston Rockets.
Sipas “The Turkish Minute”, basketbollisti është në listën e terroristëve më të kërkuar në vend.
“Për shkak të platformës sime, sa herë që them diçka, ajo shpërndahet kudo dhe qeveria turke e urren këtë. Ata po bëjnë gjithçka që munden për të më mbyllur gojën”, – tha Kanter për New York Post. Kanter mori shtetësinë amerikane në nëntor 2021 dhe u transferua në Uashington, aktualisht i mbrojtur nga FBI.
Konflikti i Enes Kanter me presidentin e Turqisë, Erdogan, u intensifikua pas kritikave të lojtarit për represionet e kreut të shtetit, të cilin ai e etiketoi “Hitleri i shekullit tonë”. Basketbollistit iu hoq nënshtetësia turke në vitin 2017, si dhe u lëshoi një urdhër arresti ndërkombëtar nga autoritetet turke.
