Njeriu me më shumë pritshmëri mes lojtarëve të Milanit ka dështuar sërish, edhe në disfatën 4-0 ndaj Lazios, të martën në mbrëmje. Rafael Leao Meriton vlerësimin (notën) 4 për “Gazzetta dello Sport”:
“Më të fortët janë më fajtorët, nëse është kështu. Leao ndodhet në një moment të keq. Edhe gjuha e trupit të tij është e tmerrshme”.
E njëjta notë vlerësimi nga MilanNews për të: “I vendosur në krah, ai nuk bën asgjë si duhet në fazën sulmuese. Sa për aspektin mbrojtës, ai nuk e di se çfarë është. I likujduar totalisht nga Marusic. Nëse ai dëshiron të jetë një lojtar i mirë, nuk mund t’I ketë këto ndërprerje”.
“Corriere dello Sport” e vlerëson me 4.5, e konsideron një dështim të rëndë për kuqezinjtë: “Te Milani që nuk ekziston më, mbi të gjitha është Leao ai që nuk ekziston më. Pa uri, pa forcë për të kapur momentin. Bosh, u gjend përballë Marusic në versionin më të zbehtë të mundshëm.
Dy krosime pa kënaqësi dhe një gjuajtje e gjysmë në pjesën e dytë, kur tentoi të hidhte topin drejt portës laciale”. Nga ana tjetër, mendimi i “Tuttosport” ishte I ndryshëm, duke e vlerësuar me notën 5 në këtë mënyrë:
“Ndër më pak të këqijtë në pjesën e parë, të paktën na bën ta dëshirojmë. Ai pati mundësinë që ta rihapte ndeshjen me ftesë të De Ketelaere, por nuk ia doli”. E njëjta notë nga “Corriere della Sera”: “Përpiqet me pak zgjatime, por izolohet. Dhe në fund nuk mund të ngushëllohet”.
Vlerësim me notën 5 edhe nga TMW: “Lojtari më i rëndësishëm duhet të jape zgjidhje, por në vend të kësaj shpesh krijon probleme duke luajtur më shumë për veten sesa për ekipin”.
