Roma i ka dhënë miratimin Nicolo Zaniolos për të fluturuar në Stamboll për të përfunduar transferimin e tij tek Galatasaray.
Sulmuesi 23-vjeçar italian ka udhëtuar mëngjesin e sotëm drejt Milanos për t’u përgatitur për udhëtimin në Stamboll dhe ka qëndruar në një hotel, duke pritur që dy klubet të finalizojnë detajet e kalimit të tij në Superligën e Turqisë.
Galatasaray thuhet se ka rënë dakord të paguajë Romën mbi 20 milionë euro në total dhe 15 milionë euro bonuse për Zaniolon, i cili do të ketë një klauzolë lirimi prej 35 milionë euro në kontratën e tij.
Verdhekuqtë gjithashtu kanë një klauzolë për rishitjen e lojtarit e cila shkon në 15% të shumës, duke i lejuar ata të përfitojnë edhe 5.25 milionë euro nëse klauzola e lirimit të italianit aktivizohet.
Sipas Gianluca Di Marzios, Roma e ka informuar Zaniolon se mund të marrë fluturimin e tij privat për në Stamboll, ku ai do të kryejë testet e zakonshme mjekësore para transferimit.
Në klubin turk ai do të fitojë rreth 3.5 milionë euro neto në sezon.
Me transferimin e italianit, skuadra ku luan edhe Milot Rashica, do të ketë një skuadër të fortë, që do të jetë e denjë të luftojë për fitimin e kampionatit dhe më tej.
Sulmi do të përbëhet nga emra si Dries Mertens, Mauro Icardi, Muhammed Kerem Aktürkoğlu dhe Nico Zaniolo.
Rashicës i mbetet të luftojë për një vend në formacionin bazë.
