Shoqëria turke po vlon nga zemërimi kundër qeverisë së Rexhep Tajip Erdogan, veçanërisht në Anadoll pas tërmeteve vdekjeprurëse që deri tani kanë vrarë më shumë se 20,000 njerëz. Siç dëshmohet nga videot që kanë dalë në dritë, qytetarët nuk durojnë dot as të shohin deputetët e qeverisë, e lëre më ministrat, të cilët i konsiderojnë përgjegjës për fatkeqësinë më të madhe që ka njohur Turqia në historinë e saj.
Siç tregohet në pjesët e publikuara nga mediat turke, ministri i Drejtësisë Bekir Bozdag u tall rëndë nga qytetarët në Dijarbak.
Adalet Bakanı Bekir Bozdağ, deprem için gittiği Diyarbakır’da yurttaşlar tarafından yuhalandı. pic.twitter.com/ZXzSDzu6lB
— 23 DERECE (@yirmiucderece) February 10, 2023
Bozdag së bashku me kolegët e tij ndodhej në qytet, pas tërmeteve vdekjeprurëse që goditën pothuajse të gjithë Turqinë juglindore, megjithatë “pritja” që ai pati nga qytetarët e mbledhur ishte tërësisht negative. Burra dhe gra në rrugë, në prani të policëve, bërtisnin dhe e quanin: Gomar, i paturp!
Të njëjtën pritje ka pasur të rezervuar nga qytetarët edhe deputetja e partisë në pushtet, Oya Eronat, e cila ka shoqëruar ministren e Drejtësisë. Si pasojë e protestave, ministri dhe deputeti u shoqëruan nga Policia për t’u larguar pa reaguar.
Dy 24 orë më parë, duke folur nga provinca Antiyaman, një nga zonat e goditura nga tërmetet shkatërruese në Turqinë juglindore, Erdogan u premtoi qytetarëve se shteti do t’ua mbulonte qiranë për një vit të prekurve nga tërmeti.
