Akullnaja e paqëndrueshme e njohur si ‘Fundi i Botës’, rreziqe të reja për planetin

113 563 lexime

124,178FansaPëlqeje

Akullnaja e paqëndrueshme e Antarktidës e njohur ndryshe si “Akullnaja e Fundit të Botës”, një masë akulli me madhësinë e Floridës, po shkrihet, por studiuesit kanë zbuluar një problem të ri.  Çarjet e thella në pjesën e poshtme të akullnajës po përshpejtojnë përkeqësimin e saj, tregon një studim i ri.

Shkencëtarët dërguan një robot në formë siluri nën akullnajën Thwaites në janar 2020. Mjeti artizanal zbuloi çarje dhe thyerje të ngjashme me shkallët në akull që po përshpejtojnë erozionin. Rezultatet u publikuan në revistën shkencore Nature të mërkurën.

Akullnaja Thwaites, pjesë e shtresës së madhe të akullit të Antarktikut Perëndimor, është një nga akullnajat që ndryshojnë më shpejt dhe më të paqëndrueshme në botë. Quhet Glacier Doomsday për shkak të potencialit të saj për të ngritur nivelin e detit dhe është studiuar për vite si një tregues i ndryshimeve klimatike.

Duke përdorur një robot në formë lapsi prej tre metrash, shkencëtarët panë një pikë kritike të shndritshme në ndarjen kaotike të Thwaites.

“Akullnaja Thwaites është në thelb një masë akulli që lëviz shumë ngadalë e që po del nga kontinenti i Antarktikut dhe po lëviz në oqean. Mund ta imagjinoni atë si një lumë që rrjedh ngadalë. Është një nga akullnajat që po ndryshon më shpejt në Antarktidë. Ka potencialin më të lartë për të ndryshuar me shpejtësi në shekullin e ardhshëm. Dhe ka shumë shqetësim mbi ndikimin që mund të ketë në rritjen e nivelit të detit”, thotë Peter Davis , oqeanograf, British Antarctic Survey.

Shkencëtarët nuk kishin arritur ta vëzhgonin me parë pikën kritike të Thwaites.Por duke ulur poshtë një çarjeje të hollë me gjatësi prej 587 metrash robotin Icefin, ata panë se sa ndikim kanë çarjet e thella në thyerjen e akullit, duke shkaktuar mbi akullnajë dëmin më të madh, madje më shumë sesa shkrirja.

Lexo edhe :  Si shpërndanë mediat ruse përmbajtje manipuluese para zgjedhjeve në Kosovë?

Gjetjet u publikuan në dy studime në revistën Nature.

Gjetjet vijnë si rezultat i një pune kërkimore shumëvjeçare ndërkombëtare me mbështetje financiare prej 50 milionë dollarësh për të kuptuar më mirë akullnajën më të gjerë në botë.

“Kjo shkrirje ekstreme po ndodh brenda çarjeve dhe nëpër shtresat e akullit, në zonat që ne i quajmë tarraca. Pra, çështa nuk është se si po vijon shkrirja, por si funksionon dhe ku ndodh”, thotë Britney Schmidt , shkencëtare, Universiteti Cornell.

Lajmi i mirë është se pjesa më e madhe e zonës nënujore që ata eksploruan po shkrihet shumë më ngadalë nga sa pritej.

“Kur shkuam në Thwaites dhe vëzhguam nën akullnajë, gjetëm ujë jashtëzakonisht të ngrohtë. Ishte rreth një shkallë e gjysmë mbi ngrirjen dhe kjo duhet të nxiste një shkallë relativisht të lartë të shkrirjes. Por ajo që vumë re gjithashtu ishte se kjo shtresë uji të ëmbël, pikërisht në bazën e akullit, krijon një pjerrësi të dendur dhe pikërisht kjo pjerrësi ndalon nxehtësinë të kalojë nga oqeani në akull.

Modelet tona kompjuterike, ato nuk janë në gjendje të përfaqësojnë këtë shtresë të ujit të ëmbël. Pra, ato prodhojnë ose parashikojnë një shkallë shumë më të lartë të shkrirjes nga sa në fakt kemi vërejtur në fakt, sepse nuk përmbajnë fizikën e nevojshme për t’i përshtatur plotësisht ato”, thotë Peter Davis , oqeanograf, British Antarctic Survey.

Lajmi i keq është se kjo realisht nuk e ndryshon sasinë e akullit që shkëputet nga akullnaja dhe do të ngreje nivelin e detit, thotë Davis, autori kryesor i një prej studimeve.

Davis thotë se për akullnajën Thwaites shkëputja është problem më i madh sesa shkrirja. Sa më shumë që akullnaja thyhet apo shkëputet, aq më shumë akulli noton në ujë.

 

Të fundit

Momentet më të vështira të Abigeila Voshtinës në krye të TKOB

Në studion e “Rudina” në Tv Klan, Abigeila Voshtina ka ardhur gjithmonë si drejtoresha e Teatrit Kombëtar të Operas...

Ndjeheni të rraskapitur? Mund të ketë diçka që nuk shkon me shëndetin tuaj

“Jam i rraskapitur”, “nuk kam fuqi”, “më flihet gjumë”, të gjithë i kemi thënë të paktën një herë këto fraza. Ka raste kur ndjehemi...

Dikur i hodhi alkool në fytyrë, Meritoni bën postimin e PAPRITUR me Eglën

Fituesja e Big Brother VIP Albania 3, Egla Ceno, dhe finalisti i sezonit, Meriton Mjekiqi, kanë habitur ndjekësit me një takim të papritur. Dyshja,...

Balluku thirrje qytetarëve të aplikojnë për vendosjen e paneleve diellore

Zëvendëskryeministrja, njëherësh ministre e Infrastrukturës dhe Energjisë, Belinda Balluku, duke inspektuar punimet për rikonstruksionin dhe fuqizimin e nënstacionit elektrik Tirana 1, pranë Zogut të...

Evropa tërheq Coca-Cola nga tregu, në Shqipëri/ ISUV: Nuk mund t’i kryejmë analizat

“Coca-Cola” ka tërhequr pijet e saj  ne disa  vende të Evropës pasi ka zbuluar  nivele më të larta të kloratit kimik. Ekspozimi ndaj niveleve të...

Lajme të tjera

Web TV