Ka përfunduar me rezultatin 0-1, përballja e zhvilluar në “Stamford Bridge”, mes vendasve të Chelsea dhe Southampton, me këta të fundit që kanë shokuar “blutë”, duke i rrëmbyer 3 pikë të arta falë fitores minimale.
Për golin e vetëm të sfidës do të mendonte kapiteni i Southampton, James Ward-Prowse, i cili mposhti portierin Kepa në fundin e pjesës së parë pas një ekzekutimi perfekt të një goditjeje dënimi nga më shumë se 25 metra distancë.
Kjo është ndeshja e 5 radhazi që Chelsea nuk njeh fitore në të gjitha kompeticionet dhe e 4-ta përsa i përket kampionatit. Megjithatë, besimi i bordit të “bluve” te tekniku Graham Potter duket i “palëkundur”.
