Gjykata Penale në Paris shpalli fajtorë tre anëtarë të grupit të ekstremit të djathtë “Le Barjoll” për përgatitjen e një komploti për të vrarë presidentin francez Emmanuel Macron në vitin 2018. Reuters bëri me dije se Gjykata i dënoi tre burrat me tre deri në katër vjet burg, ose me dënime me kusht nga një deri në dy vjet.
Ndërsa një person i katërt u dënua me gjashtë muaj burg me kusht për armëmbajtje. Të akuzuarit e tjerë u shpallën të pafajshëm. Procedimi për 13 anëtarët e grupit “Le Barzol” nisi me 17 janar. Sipas prokurorëve ata kishin planifikuar të sulmonin presidentin francez me thikë gjatë një ceremonie përkujtimore të Luftës së Parë Botërore në Francën lindore në nëntor 2018. Ata dyshohen gjithashtu për planifikimin e sulmeve ndaj xhamive dhe emigrantëve.
Avokatët e të pandehurve i përshkruan të13 anëtarët si ekstremistë të ngathët që nuk kishin asnjë pa plan veprimi. Romain Ruiz i cili është avokati i njërit prej nëntë të liruarve, përshëndeti vendimin e gjykatës, duke thënë se ky institucion tregon racionalitet në çështjen e anti-terrorizmit. Prokurorët kanë 10 ditë në dispozicion për të apeluar vendimin. Ndërsa një nga prokurorët e çështjes deklaroi se hetimet janë fokusuar në pistën e komplotit, që të paktën deri në këtë fazë nuk ishte organizuar mirë, por parashikonte kryerjen e aksioneve të dhunshme ndaj presidentit të republikës.
Të dyshuarit ishin mbajtur prej kohësh nën përgjim nga agjentët e Drejtorisë së përgjithshme për sigurinë e brendshme. Ata u bllokuan nga forcat speciale në lokalitetet MOZEL dhe IZER. Kujtojmë se Vitin e kaluar, një djalë 23-vjeçar u arrestua nën akuzën se kishte planifikuar vrasjen e presidentit francez gjatë paradës për Ditën e Bastijës.
