Në “Newsline me Viol Xhafaj” ka qenë i ftuar analisti, Edvin Kulluri, i cili ndër të tjera ka komentuar edhe mungesën e Lulzim Bashës ditën e sotme në Kuvend. Ai tha se Basha nuk mund të jetë në kuvend edhe në dy vitet në vijim për shkak të asaj që ai i shkaktoi Partisë Demokratike.
“Basha e ka të vështirë të jetë në parlament në dy vitet në vijim. Për shkak të humbjes së 4 palë zgjedhjeve dhe asaj që ndodhi në 11 dhe 18 dhjetor. Ka qenë legjitim vendimi masiv i demokratëve për largimin e tij nga kreu i PD-së.
Pavarësisht se Berisha këtë e përktheu në mbështetje për të që ishte gabim dhe po e paguan.
Basha nuk mund të kthehet për raportet me SHBA, sepse në momentin që Basha flet për McGonigal, Rama do t’i nxirrte deklaratën e Nik Muzin në departamentin e drejtësisë. Në këtë aspekt Basha është në pamundësi, ashtu siç është në pamundësi për t’u kthyer në krye të PD pas 14 majit,” tha Kulluri.
I pyetur nëse opozita do të mundej që të fitonte zgjedhjet nëse Rama do të vendoste që të lorgohej sot, Kulluri tha “JO”.
Sipas tij opozitës nuk ia ka fajin Partia Socialiste që ka humbur zgjedhjet.
“Jo. Sot me këtë kushte nuk fitohet zgjedhjen. Nuk ia ka fajin PS-ja, PD-së se nuk fiton zgjedhjet”, theksoi ai.
