Marcus Rashford, një nga lojtarët e shquar të Manchester United këtë sezon (25 gola në 40 ndeshje), ka reaguar në rrjetet sociale për humbjen poshtëruese (0-7) të pësuar të dielën kundër Liverpoolit, në Anfield.
“Do të doja të kisha një ndeshje sot për t’i rregulluar gjërat. Rezultati është ai që është dhe ne nuk mund të shohim më shumë se kaq! Nuk mund të lejojmë që ky rezultat të përcaktojë epokën tonë. Duhet t’i besojmë procesit dhe të qëndrojmë të bashkuar”, – ka shkruar i riu anglez i avancuar në Twitter.
Nga e njëjta platformë ka ardhur edhe reagimi i portierit spanjoll David de Gea:
“E di që këto mesazhe nuk shkojnë mirë në ditë si këto. Ishte një moment katastrofik për ekipin dhe ky rezultat nuk duhej të ndodhte, veçanërisht në këtë rrugëtim ku që jemi të gjithë. Ne kemi një detyrë ndaj këtij klubi, një përgjegjësi për të përfaqësuar simbolin, por ne kemi mundësi për të reaguar në ndeshjet që vijnë dhe kjo është ajo ku duhet të fokusohemi”.
