Byroja Kombëtare e Hetimit ka “zbarkuar” sot në mbrëmje në shtëpinë e ish-zëvendës kryeministrit Arben Ahmetaj. Mësohet se gjatë kontrolleve të ushtruara, janë sekuestruar dokumentacione pronësie në emër të ish-bashkëshortes së Ahmetajt.
Bëhet fjalë për një vilë të ndodhur ne Hamallaj, në kompleksin “Vala Mar” që ish ministri dhe bashkëjetuesja e tij aktuale nuk e kishin deklaruar dhe që sipas kallëzuesve ishte dhuruar nga Klodian Zoto, një nga të kërkuarit për aferën inceneratorëve.
Këto dokumentacione janë të vlefshme për hetimin e çelur nga SPAK ndaj Ahmetajt për lidhjen e tij me pronarët e inceneratorëve. Gjithashtu është sekuestruar dhe një shumë prej rreth 30 mijë eurosh.
