Manchester United ngre kokë pas humbjes turpëruese 7-0 me Liverpool, duke fituar me “poker” në ndeshjen e parë me Real Betis. Të besuarit e Ten Hag nuk e patën të lehtë ndaj spanjollëve, me pjesën e parë që përfundoi 1-1.
“Djajtë e Kuq” shënuan të parët me anë të Rashford, por Perez barazoi shifrat. Në pjesën e dytë Antony fillimisht riktheu epërsinë, ndërsa më pas Fernandes realizoi dhe golin e tretë për anglezët, ndërsa rezultati u vulos nga Weghorst në minutën e 82’, me United që në Spanjë do t’u duhet vetëm të menaxhojnë rezultatin.
