Presidenti rus Vladimir Putin deklaroi se Rusia dhe Kina po luftojnë “kërcënimet e përbashkëta” teksa mirëpret presidentin Xi Jinping për një udhëtim tre-ditor në Moskë.
Presidenti rus e përshkroi vizitën e Xi si një ngjarje historike që ripohon natyrën e veçantë të partneritetit Rusi-Kinë.
Jinping pretendon se një plan paqeje prej 12 pikash i hartuar nga Pekini muajin e kaluar për t’i dhënë fund luftës në Ukrainë pasqyron “unitetin e pikëpamjeve të komunitetit botëror”.
Vizita e liderit kinez ditën e sotme është e para nga një lider i huaj që nga lëshimi i një urdhër-arresti për homologun e tij rus nga Gjykata Penale Ndërkombëtare. Ministrat e drejtësisë nga më shumë se 40 vende, duke përfshirë britanikun Dominic Raab, do të jenë më vonë në Londër për të mbështetur hetimin për krimet e dyshuara të luftës, përfshirë rrëmbimin e fëmijëve që rëndojnë ndaj Kremlinit zyrtar.
