Kanali televiziv Ecuavisa raporton se gazetari Lenin Artieda pësoi një sulm me eksploziv të fshehur në një flash drive ose memorie portative këtë të hënë.
Ai ka deklaruar per mediat se pajisja që i shpërtheu në duar dukej si një USB drive, e futi atë në kompjuterin e tij dhe shpërtheu.
Nga ana tjetër, një zarf i dytë me një eksploziv u dërgua javën e kaluar në TC Televisión, sipas medias.
Kanali raportoi se ata e morën paketën drejtuar gazetarit Mauricio Ayora me një pajisje të premten, por nuk e kishin hapur deri të hënën.
Milton Pérez, producent ekzekutiv dhe prezantues i Teleamazonas, konfirmoi atë që ndodhi dhe ndau me CNN një foto të shënimit dhe flash drive. Mesazhi thotë: “Ky informacion do të demaskojë correísmo. Nëse mendoni se është e dobishme, ne mund të arrijmë një marrëveshje dhe unë do t’ju dërgoj pjesën e dytë.’
Qeveria dënoi sulmet, duke e përshkruar lirinë e shprehjes si “një të drejtë që duhet respektuar”.
Ekuadori ka përjetuar një rritje të dhunës që presidenti Guillermo Lasso thotë se është rezultat i konkurrencës midis bandave të trafikut të drogës. Vendi i Andeve, i cili përdoret si rrugë e kontrabandës së kokainës nga Peruja dhe Kolumbia fqinje, ka parë një rritje të mprehtë të vrasjeve dhe krimit në muajt e fundit.
