Analisti Skënder Minxhozi thotë se Berisha dhe Alibeaj do të dalin të dy humbës nga kutitë e votimit më 14 maj.
Gjatë diskutimit në studion e ABC News me gazetaren Juli Krisafi, Minxhozi u shpreh se fituesi më i madh i “përplasjes” politike Berisha-Alibeaj është kryeministri Edi Rama.
Analisti shtoi më tej se pas 14 majit, gjërat për Enkelejd Alibeajn, do të vështirësohen ndjeshëm.
“Do të largohen nga kutitë e votimit secili me humbjen përkatëse, e cila nuk i ngjan njëra- tjetrës, por që ka emrin humbje. Alibeaj zhvlerësohet, sepse po ikin edhe kandidatët. Ai paraqitet një listë më 16 kandidatësh nga 61 bashki, dhe kjo ishte një humbje e parë, nuk duhet se sa do t’i mbeten në garë deri në fund. Kandidati në Tiranë Bejko duket më I vendosur dhe kam përshtypjen se është më anti-berishist se Alibeaj në këtë moment. Berisha nuk mund të fitojë përveçse gardhit brenda partisë, por aspirata e tij për pushtet në rang kombëtar, do marrë një fiasko. Berisha do të humbasë, por do të humbasë dhe Alibaej brenda partisë. Është betejë që luhet brenda mureve të PD, që fitues brenda partisë del Berisha, ndërsa brenda mureve të Shqipërisë fitues del Rama. Pas 14 majit do jetë e vështirë për Alibeajn”, tha ai.
