Edhe kreu i Partisë së Lirisë, Ilir Meta ka nisur një rubrikë të re komunikimi me qytetarët duke përdorur teknologjinë dhe rrjetet sociale, vetëm pak ditë pasi Edi Rama dhe Sali Berisha njoftuan se do të nisin podcast-et e tyre.
Meta është shfaqur nga ambientet e zyrës së tij, ku i është përgjigjur pyetjeve, mesa duket të përzgjedhura më parë, të qytetarëve.
Pjesa më e madhe e pyetjeve nga qytetarët kanë të bëjnë me shqetësimet e qytetarëve të Tiranës dhe Durrësit, si taksat e larta, kostot e shërbimeve dhe mungesa e ujit.
Teksa ka mbështetur programin elektoral të Belind Këlliçit dhe kandidatit të koalicionit në Durrës, Igli Cara, Meta ka premtuar ulje të kostove për biznesin.
“Ndryshimi varet nga ju, nga të gjithë ne. Ndryshimi do të ndodhë, ka vonuar por është i pashmangshëm”, tha Meta teksa i bëri thirrje qytetarëve të marrin pjesë masivisht në zgjedhje.