Këlliçi ftoi kundërshtarin e tij për një përballje publike apo televizive, duke komentuar edhe deklaratën e famshme të Veliajt se në Tiranë janë mbjellë 1 milion pemë.
“Nuk kam çfarë ti bëj kullave unë sa kohë që janë dhënë sipas ligjit, nuk mund ti çoj në arbitrazh unë për ti shkaktuar dëm qindra miliona euro buxhetit të shtetit. Kemi një kryetar bashkie që ka një faturë 148 milionë euro për mbylljen e Agon Channel se do të bënte dasmë me lekët e pensionit të mamit.
E kam ftuar në çdo dalje timen që të kemi një përballje publike. Shkojmë bashkë te dera e bashkisë, dhe e thërrasim për t’u përballur dhe të më vijë të më thojë punët e mira që ka bërë për Tiranën.
Shkatërrimi i Tiranës, betonizimi i Tiranës, e shihni fare mirë me këtë shëmti që ndodh, heqja e të gjithë hapësirave të gjelbërta, e shoqëruar kjo me gënjeshtrën e madhe të mbjelljes së 1 milionë pemëve.
Nuk del as një e treta e asaj shifre bashkë me lule e shkurre. Nga dita që kryetari i bashkisë ka hyrë në zyrë, ky njeri bashkë me të shtunat e të dielat, ditët e festave zyrtare, duhet të ketë mbjellë çdo ditë 345 prmë në ditë, a ka shqiptar që mund ta besojë këtë?”, u shpreh Këlliçi.
